Blie(II)-acetat
Vörlaag:Infobox cheemsch Stoff Blie(II)-acetat (ok: Bliesucker; Pb(CH3COO)2), is en kristallin Faststoff. Dorbi hannelt sik dat üm dat Blie(II)-Solt vun de Etigsüür. Blangen den waterfre’en Stoff gifft dat ok en Trihydrat (Pb(CH3COO)2 · 3 H2O). Blie(II)-acetat warrt ü. a. to’n Herstellen vun annere Blieverbinnen bruukt, as to’n Bispeel Bliechromat (Chromgeel) oder basisch Bliecarbonat (Bliewitt). De Stoff sülvst deent ok as Nawiesreagenz för Sulfiden.
Acetate.jpg)
Blie(II)-acetat hett den Binaam Bliesucker, vun wegen dat dat sööt smeckt un goot in Water to lösen geiht. Bliesucker weer bit in’t 19. Johrhunnert to’n ersetten vun Sucker bruukt, liekers dat dat giftig is. Vör allen Wien is dormit sööt maakt worrn. Dat gifft de Vermoden, dat de beropen Komponist Ludwig van Beethoven an en Blievergiften dood bleven is, de dör Wien utlöst weer, de op disse Oort un Wies panscht worrn sünd[1][2].