Natürliche Tall

De natürlichen Tallen sünd de Tallen, de een bi’t Tellen bruukt: 0, 1, 2, 3, 4, 5 usw. Fröher hett de 0 nich dorto höört un dat gifft ok vundaag noch Lüüd, de de 0 nich as natürliche Tall gellen laat.

För de Koppel vun de natürlichen Tallen warrt dat Formelteken $\mathbb{N}$ bruukt. Dat heet:

$\mathbb{N}=\{0,1,2,3,\dots \}$

oder (wenn een de 0 nich gellen laat)

$\mathbb{N}=\{1,2,3,\dots \}$

In Texten, woneem dat Symbol $\mathbb{N}$ för de Koppel vun de natürlichen Tallen ahn Null bruukt warrt, gifft dat dat Symbol ${\mathbb{N}}_0$ oder $\mathbb{N}\cup \{0\}$ för de Koppel vun de natürlichen Tallen mit Null. Annersrüm maakt ${\mathbb{N}}^{+}$, ${\mathbb{N}}^{*}$, ${\mathbb{N}}_{>0}$, ${\mathbb{N}}_1$ oder $\mathbb{N}\setminus \{0\}$ kloor, dat de natürlichen Tallen ahn de 0 meent sünd.