Nullvekter

De Nullvekter is en Begreep ut dat mathemaatsche Deelrebeet vun de linearen Algebra.

De Nullvekter is dat neutrale Element ut de Vekteradditschoon in en Vekterruum. Dat heet: för all Vekters $\overrightarrow{a}$ ut den Vekterruum gellt:

$\overrightarrow{a}+\overrightarrow{0}=\overrightarrow{a}$

Keen anner Vekter ut den Vekterruum v hett disse Egenschop. De Nullvekter is dormit eendüdig fastleggt un warrt mit 0 betekent.

Eendoont, wat för en Vekter $\overrightarrow{a}$ ut den Vekterruum en nimmt, wenn een den mit dat Skalar 0 multiplizeert (also op de Längt 0 kappt), kummt jümmers de lieke Nullvekter bi rut. Oder mathemaatsch utdrückt: För alle Vekters $v\in V$ gellt: $0_K\cdot v=0_V$.