De Born vun Atomare Masseneenheit wiesen.

De '''Atomare Masseneenheit''' (kott för ''vereenheitlichte atomare Masseneenheit'') is een [[Maateenheit]] för de [[Masse (Physik)|Masse]], de in de [[Chemie]] un in de [[Physik]] bruukt warrt, üm de Massen von [[Atom]]en un [[Molekül]]en antogeven.

De atomare Masseneenheit warrt mit dat Teken '''u''' schreven oder ok mit '''amu''' (ut [[engelsche Spraak|engl]].: atomic mass unit). In de anglo-amerikaanschen Länner warrt faken dat '''Dalton''' verwendt statt dat u, wat an sik dat sülve is: 1 Da = 1 amu. De Eenheit Dalton is na den engelschen Naturforscher [[John Dalton]] nöömt, de sik in’t 18./19. Johrhunnert mit de Atomtheorie befaat hett un den Weg för de Chemie free maken holpen hett.

Bit 1961 weer de atomare Masseneenheit as 1/16 vun een [[Suerstoff]]atom fastleggt. Man dat geev en [[Differenz]] twüschen de chemische Definitschoon (de sik op dat natürlich vörkommende [[Isotop]]enverhältnis betöög) un de physikalsche Definitschoon (de vun dat Isotop <sup>16</sup>O utgüng), wat denn to de vereenheitlichte Definitschoon föhrt hett, de hüüt verwendt warrt. De oole Weert wiekt en beten wat af vun denn niegen:

:<math>1\;\mathrm{u_{(nieg)}} = 1{,}000\,317\,9\;\mathrm{amu_{(oolt, phys.)}} = 1{,}000\,043\;\mathrm{amu_{(oolt, chem.)}}</math>

De Differenz geiht torüch op den [[Massendefekt]], de bi Suerstoff anners utfallt as bi den [[Kohlenstoff]], de hüüt as Betogssystem gellt. Dorno is vundaag de atomare Masseneenheit defineert as 1/12 vun dat Kohlenstoff-Isotop <sup>12</sup>C, un dormit is u de [[Kehrweert]] vun de [[Avogadrotall]]. De Weert is hüüt:

:<math>1\;\mathrm{u_{SI}} = 1{,}660\,538\,782\,(83) \cdot 10^{-27}\;\mathrm{kg}</math> (na [[Committee on Data for Science and Technology|CODATA]], November 2006)
:<math>1\;\mathrm{u_{cgs}} = 1{,}660\,538\,782\,(83) \cdot 10^{-24}\;\mathrm{g}</math> (na [[Committee on Data for Science and Technology|CODATA]], November 2006)
:<math>1\;\mathrm{kg} = 6{,}022 \cdot 10^{26}\;\mathrm{u}</math>
:<math>1\;\mathrm{g} = 6{,}022 \cdot 10^{23}\;\mathrm{u}</math>

[[Kategorie:Eenheit]]
[[Kategorie:Cheemsch Grött]]